Ministri në ikje Fatmir Xhafaj, ka ndjekur sot seancën plenare në Kuvend ku ka votuar të gjitha projektligjet e paraqitura ne rendin e ditës. Gazetarët janë turrur drejt tij, për ndonjë informacion, por ai ia ka kthyer shkurt.
“Kam folur aq shumë, sa nuk ka kuptim të flas më. Nuk është faji im që nuk kupton. Mirupafshim”, u shpreh Xhafaj.
Ai ende nuk ka sqaruar arsyet “e dorëheqjes” së papritur, kur policia po godiste grupet kriminale. Po kështu Xhafaj ende nuk ka folur nëse ishin përplasjet me kryeministrin që e çuan drejt largimit.
