Kreu i FRPD-së Besart Xhaferri ka reaguar në lidhje me dokumentin e publikuar nga kreu i PD-së Sali Berisha për gjyqtaren Irena Gjoka, e cila është dënuar nga Gjykata në Janinë për falsifikim.
Përmes rrjeteve sociale, Xhaferri shkruan se gjyqtarja me 3 mbiemra ka shkelur ligjin duke fshehur dënimin.
Sipas kreut të FRPD-së, Irena Gjoka u përdor si kamikaze kundër liderit të opozitës duke e lënë në masë arresti për 333 ditë pa asnjë provë në dosje.
Xhaferri thekson se pas 11 Majit, së bashku me Komisionin e Venecias do bëhet një vetting i dytë për prokurorë e gjyqtarë që ata të mos mbeten peng i segmenteve të politikës dhe krimit.
“Irena, gjyqtarja me 3 mbiemra “kamikaze” me dokumenta, pas 11 Majit vetting për drejtësinë e re!
Atë që nuk e bënë institucionet e drejtësisë së re e bëri sot lideri i opozitës, Sali Berisha, i cili në dyert e SPAK publikoi dokumentim që fakton dënimin në Greqi të gjyqtares Irena Gjoka, Spata, Maneku.
Irena Gjoka duke mos deklaruar këtë dënim të gjykatës së Janinës ka shkelur ligjin dhe fshehja e këtij dënimi e ktheu Irena Gjokën në një peng që atyre që kanë marrë peng reformën në drejtësi.
Irena Gjoka u përdor si kamikaze kundër liderit të opozitës duke e lënë në masë arresti për 333 ditë pa asnjë provë në dosje.
Së bashku me Komisionin e Venecias pas 11 Majit do bëjmë vetting të dytë për prokurorë e gjyqtarë që ata të mos mbeten peng i segmenteve të politikës dhe krimit”, shkruan Xhaferri.
