Aktori Will Smith fitoi çmimin “Aktori më i mirë” në “Oscars 2022”. Përpos çmimit, vemendja u fokusua tek ai, pas një incidenti të vogël. Smith pati një përplasje me komedianin Chris Rock, për një shaka që i bëri në lidhje me gruan e tij, Jada Pinkett Smith.
Aktori 53-vjeçar triumfoi për punën e tij në filmin “King Richard” ku luan rolin e babait të tenisteve kampione, Venus dhe Serena Williams. Ai fitoi çmimin vetëm pak minuta pasi sherri i tij në skenë me komedianin 57-vjeçar u bë viral.
Artisti Will Smith ka një karrierë 30-vjeçare në film, dhe ka qenë gjithsej tri herë i nominuar për “Oscars”. Në të kaluarën ai është nominuar për rolet e tij të suksesshme në filmat “Ali” dhe “The Pursuit of Happyness”, por nuk ka fituar.
Fjalimi
“Dua t’i kërkoj falje Akademisë. Dua të kërkoj falje për të gjithë kolegët e mi të nominuar. Ky është një moment i bukur, dhe nuk po qaj për të fituar një çmim. Nuk ka të bëjë me fitimin e një çmimi për mua. Ka të bëjë me aftësinë për të ndriçuar të gjithë njerëzit. Tim dhe Trevor dhe Zack dhe Saniyya dhe Demi dhe Aunjanue dhe i gjithë kasti dhe ekuipazhi i ‘Mbretit Richard‘, Venus dhe Serena, e gjithë familja Williams. Arti imiton jetën. Unë dukem si babai i çmendur, ashtu siç thanë për Richard Williams“, tha Smith në fjalimin e tij.
“Faleminderit, Dee. Denzel. Në momentin tuaj më të lartë, kini kujdes, atëherë Djalli vjen për ju. Për nënën time, shumë nga ky moment është vërtet i ndërlikuar për mua – por për nënën time, ajo nuk donte të dilte. Ajo kishte miqtë e saj; ajo ka një ekip thurjesh me të cilin është në Philly duke parë. Duke qenë në gjendje të dua dhe të kujdesem për nënën time dhe familjen time, gruan time – po marr shumë kohë. Faleminderit për këtë nder. Faleminderit për këtë moment. Dhe faleminderit në emër të Richard dhe Oracene Price, dhe të gjithë familjes Williams. Faleminderit. Shpresoj që Akademia të më ftojë përsëri”, tha Smith përpara se të dilte nga skena.
