Deontay Wilder, kampion bote në fuqi për peshat e rënda WBC, do të përballet sërish në sfidën e revanshit me boksierin Bermane Stiverne. Ky i fundit është i vetmi që ka qëndruar në këmbë deri në fundin e një dueli, pasi kundërshtarët e tjerë të Wilder kanë përfunduar ndeshjen me KO. Në 38 duele të zhvilluar në karrierën e tij, ai ka fituar 37 me KO dhe një me vlerësim pikësh, këto statistika e bëjnë të pamposhtur boksierin amerikan, që do të mbrojë titullin kampion bote në revanshin përballë Stiverne.
Sfida e revanshit mes dy boksierëve do të zhvillohet në New York, natën e 4-nëntorit dhe do të vendoset se ku do të shkojë titulli. “Unë do ta mund edhe atë me KO në këtë përballje, në mënyrë që edhe ai të provojë të njëjtën ndjesi si rivalët e tjerë. Ai u shfajësuar dhe hidhi akuza pas humbjes së parë, por tashmë do t’i vë kapat të gjitha fjalëve”, u shpreh sot Wilder, 24 orë para duelit me Bermane Stiverne.
Më tej, Wilder shtoi: “Ka qenë një rrugë e gjatë për mua për të arritur deri këtu, kam patur edhe unë luhatjet e mia. E vetmja gjë që kam dashur është t’i vërtetoj botës se jam më i miri. Dhe jam më i miri, më i keqi dhe më i vështiri për t’u mundur. Jam boksieri më i frikshëm i peshave të rënda. Jam ai që boksierët e tjerë kanë frikë ta shohin. Rekordi im flet qartë për aftësitë e mia”, u shpreh Wilder, 38 fitore (37 me KO) dhe asnjë humbje në karrierën e tij si profesionist. “Data e 4 nëntorit do të konfirmojë një tjetër fitore për mua. ka për të qenë një përballje e madhe, titulli do të mbesë i imi dhe unë do të unifikoj titujt në këtë division. Do të qëndroj i pamposhtur”, u shpreh Deontay Wilder pak orë para duelit për mediat.
Dueli i parë mes Wilder dhe Stiverne :
