Wanda rrëfen tradhtinë që i bëri Maxi Lopezit me Icardin: Ai nuk kishte para

Wanda Nara në një rrëfim për “La Gazzetta dello Sport” ka treguar për herë të parë historinë se si ajo përfundoi e martuar me shokun e ngushtë të ish-burrit të saj, Maxi Lopez. Modelja argjentinase shpeshherë është në qendër të vëmendjes së mediave rozë, pasi ka pasur një jetë të “shthurur” dhe me shumë histori dashurie brenda. Wanda tregon se si ajo u bashkua me Icardin dhe se çfarë e bindi atë që të martohej me një djalosh të ri:

“Kam takuar Mauron nëpërmjet Maxi Lopez kur ishte 18 vjeç. Pas divorcit, unë isha kthyer për të jetuar në Argjentinë dhe kisha regjistruar fëmijët për vitin e ri shkollor. Më duhej të shkoja në Milano për të tërhequr disa dokumente dhe më pas të kthehesha mbrapsht. Rastësisht takova Mauron dhe ai më pyeti nëse doja të haja me të, por ai nuk kishte lekë. I dhashë disa para dhe pjesa tjetër ndodhi në mënyrë spontane. Mauro mund të kishte bërë gjithçka që donte në jetë, por tregoi pjekurinë e një njeriu shumë më të vjetër. Ai i mbajti premtimet e tij. Shpejt kuptova se kujdeset edhe për fëmijët e mi dhe kjo do të thoshte gjithçka.” ka thënë në fillim Wanda.

“Ai gjithmonë donte të ishte një lojtar i cili do të ndiente presion në ndjekjen e gjurmëve të tij. Mauro i ka trajtuar gjithmonë si fëmijët e tij. Valentino ka disiplina të shquara, sheh atë që ha, pi vetëm ujë dhe filmon ndeshjet e tij në mënyrë që të mund t’i shikojë gabimet dhe t’i korrigjojë ato. Megjithatë, Benedicto është më i talentuari natyrshëm” ka shtuar më pas ajo.