Presidenti serb Vuçiç ka treguar se në takimin me Kurtin kanë pasur mospajtime të mëdha me palën kosovare. Vuçiç tha se delegacioni kosovar nuk dëshiroi të flasë për Asociacionin dhe se në takim kërkoi tri gjëra:
“E para është që delegacioni shqiptar nuk dëshiron të përmbushë marrëveshjet që ata nënshkruan, ata nuk duan të flasin për Asociacionin e Komunave Serbe. E dyta është se ata kërkuan urgjentisht dhe menjëherë ta dinë kur do ta njohim Kosovën. E treta është se ata e konsideronin provokim faktin që serbët duan të marrin pjesë në liturgjinë në kishat e tyre. Unë isha i butë dhe nuk doja të theksoja, po kjo është mungesë e realitetit, seriozitetit dhe përgjegjësisë”, tha presidenti serb.
Ai shtoi se ata biseduan për personat e zhdukur dhe sa e rëndësishme është të zbulohet vendi ku është varrosur çdo shqiptar dhe serb.
“Unë u përgjigja ashpër, por nuk e kalova kufirin. Ai erdhi që të mos binte dakord për asgjë. Ai tha:”Kam ardhur të të pyes kur do ta njohësh Kosovën”. Unë i thashë: “Asnjëherë”. Ai shpërtheu”, ka thënë Vuçiç.
Vuçiç po ashtu tha se Kurti e kërcënoi se do të ngrinte padi për gjenocid dhe Vuçiç iu përgjigj që ta bëjë.
