Presidenti i Serbisë, Aleksandar Vuçiç, ka konfirmuar prezencën e tij në takimin e 2 shtatorit në Washington me zyrtarët e Kosovës.
Vuçiç theksoi se Serbia nuk është në pozicion për të refuzuar takime. Sipas tij, temë kryesore e këtij takimi do të jetë ekonomia dhe vendit të tij i intereson kjo çështje.
“Serbia nuk është në pozicion të refuzojë bisedimet. Ne do të marrim pjesë pasi temë është ekonomia dhe për ne kjo është e rëndësishme”, tha ai.
Megjithatë, lideri serb u shpreh dyshues nëse udhëheqësit e shtetit të Kosovës do të jenë në Washington vetëm për çështjet ekonomike.
Sipas tij, Prishtina është e interesuar që Serbia të njohë pavarësinë e Kosovës dhe jo te bashkëpunimi ekonomik.
