Presidenti serb, Aleksandar Vuçiç, duke iu përgjigjur deklaratave të presidentit Thaçi, në përvjetorin Betejës së Koshares, tha se “Serbia po bën politikë paqeje e jo të pushkësh dhe armësh”.
Por, ndaj deklaratave të Thaçit kanë reaguar edhe zyrtarë të tjerë serbë.
“Nuk më pëlqen të merren me pushkë dhe me armë, si Thaçi. Le ta bëjë ai. Por, nuk e shkatërruan pushkët e Thaçit Serbinë, por disa avionë. Dhe e jona është të bëjmë politikë të paqes”, u tha Vuçiç gazetarëve në Mostar, raporton ‘Al Jazeera’.
Thaçi tha e ndaj kërcënimeve të Serbisë do t’iu përgjigjen në të njëjtën mënyrë, si 19 vjet më parë.
“Edhe sot Kosova dhe rajoni ballafaqohen me sfida. Kosova nganjëherë po ballafaqohet edhe me kërcënime të drejtpërdrejta të Beogradit, por edhe sot nga Kosharja përgjigja e shtetit të Kosovës është e qartë. Çdo kërcënimi do t’i përgjigjemi siç ju kemi përgjigjur edhe më herët për largimin e çdo pretendimi kërcënues nga Serbia dhe kushdo tjetër”, tha Thaçi, në manifestimin e 19-vjetorit të Betejës së Koshares.
Sipas presidentit serb, me kujdes duhet të lexohet deklarata e Thaçit, ku thotë se “19 vjet më parë është hequr përgjithmonë kufiri mes dy vendeve të popullit shqiptar”.
“Duhet të pyesni disa nga komuniteti ndërkombëtar se çfarë ata mendojnë dhe për këtë shkak është sulmuar Serbia në vitin 1999”, tha Vuçiç.
“Le të thonë çfarë të duan ata… Unë tregoj heroizëm dhe të tregojë kush është më i fortë … Kjo as nuk më shkon ndërmend”, tha Vuçiç.
Deklarata e presidentit të Kosovës s nxiti reagime edhe nga zyrtarët tjerë serbë.
Ministri serb i Mbrojtjes, Aleksandar Vulin, ka thënë se shpreson që BE dhe NATO të dënojnë deklaratat e Thaçit, që thërrasin për konflikt të ri.
Ndërsa, drejtori i të ashtuquajturës Zyrë për Kosovën në Qeverinë e Serbisë, Marko Gjuriç tha se deklaratat e tilla ndjellin urrejtje dhe luftë.
