Presidenti Aleksandër Vuçiç vlerëson se për Serbinë “nuk do të thotë asgjë” anëtarësimi i Maqedonisë në NATO. “Juve ju qoftë rruga e mbarë për në NATO, ne nuk duam. Për ne rruga juaj për në NATO nuk do të thotë asgjë”, tha Vuçiç.
Ai u shpreh i kënaqur që ka gazetarë nga Maqedonia në Forumin në Beograd dhe i pyeti nëse ndjehen mirë, pasi ai çdo herë kur ka qëndruar në Shkup është ndjerë mirë.
Maqedonia që sot nis zyrtarisht bisedimet për anëtarësim në NATO. Bisedat aderuese të enjten dhe të premten do të zhvillohen në dy sesione. E para do t’i përfshijë çështjet politike dhe të mbrojtjes, për përmbushje të kushteve për anëtarësim.
E dyta përfshin çështje të lidhura me resurset, sigurinë, aspektet juridike si dhe kontributin e Maqedonisë në buxhetin e përbashkët të Aleancës. Në këtë fazë të bisedimeve do të konfirmohet edhe korniza kohore për kompletimin e tyre.
