Presidenti serb, Aleksandar Vuçiç, teksa ka përmendur çështjen e Kosovës, e ka cilësuar si nga më të vështirat. “Kur është fjala për Kosovën, ajo është më e vështira e problemeve tona. Unë do të flasë për atë që nuk ju pëlqen, por do të them vetëm të vërtetën. Nga fjalët e ëmbla të paraardhësve tanë kemi pasur vetëm veprime dhe pasoja të tmerrshme. Më mirë fjalët të jenë të vështira, por fëmijët tonë të kenë një të ardhme”, tha Vuçiç.
Por Vuçiç nuk humb shpresat kur thotë se nuk ka asnjë presion, për të hequr dorë nga interesat jetësore. Ai pranon se do të bëjnë një kompromis me Kosovën, por për asnjë çast që Serbia të mposhtet.
“Ata që mendojnë se do të marrin gjithçka, le ta dinë se kjo nuk do të ndodhë kurrë. Nuk ka asnjë presion që na bën të heqim dorë nga interesat jetësore. Do të bëjmë një kompromis për Kosovën, por duke mos lejuar që Serbia të mposhtet”.