Gjatë kësaj jave janë sekuestruar nga strukturat e Seksionit Kundër Krimit Ekonomiko-Financiar mbi 2500 m2 pasuri e paluajtshme. Në kuadër të operacionit “Vjeshtë 2017” në qytetin e Shkodrës u sekuestruan 2300m2 pasuri e paluajtshme dhe 4 automjete luksoze .
Brenda 24 orëve në të njëjtin qytet në kuadër të plan-operacionit “Vjeshtë 2017” sekuestrohen 246 m2 pasuri e paluajtshme dhe 3 automjete luksoze. Ne vijim të operacionit kundër Krimit Ekonomiko-Financiar Drejtoria Vendore e Policisë Tiranë, sekuestroi 4 mjete të blinduara me vlerë rreth 1 milionë euro.
Ndërkohë gjatë kontrolleve në kryeqytet janë evidentuar 2 raste të aktivitetit të kundraligjshëm të lojërave të fatit. Drejtoria Vendore e Policisë Tiranë bëri të mundur sekuestrimin e pajisjeve të dy lokaleve si edhe një shume lekësh që gjendeshin në këto aktivitete . Ndërkohë qe Procedohen penalisht pronarët e dy lokaleve. Materialet iu referuan Prokurorisë së Rrethit Gjyqësorë Tiranë në ngarkim të këtyre për veprën penale
“Organizim i lotarive të palejuara”, parashikuar nga neni 197 i Kodit Penal. Specialistët e Seksionit të Hetimit të Krimit Ekonomik e Financiar në vijimësi të punës së tyre për vënien para përgjegjësisë ligjore shtetasit të cilët kryejnë vepra penale në fushën e krimit ekonomik dhe financiar, kanë sekuestruar në qytetin e Vlorës , dy automjete tip kamion. Si edhe kanë proceduar penalisht tre shtetas për fshehje e të ardhurave dhe falsifikim të dokumenteve”.
