Një 15-vjeçar me origjinë nga Kosova ka humbur jetën, pasi u gjet i vrarë me thikë në një zonë në afërsi të Londrës. Viktima identifikohet si Elton Gashaj, për të cilin dyshohet se ishte përfshirë në trafikun e drogës.
Ndërkohë, e ëma, Vera dëshmon se djali i saj është shoqëruar me “shoqëri jo të mirë”, teksa shton se kanë qenë të shumta rastet kur ka lajmëruar Policinë, për faktin se djali kishte marrë kërcënime të vazhdueshme.
“I kam thënë policisë se djali im nuk ishte i sigurt. Dy apo tre herë ka qenë në grindje me disa djem. Kishte thyer krahun, më tha se ra nga biçikleta, por ai u shoqërua me njerëz jo të mirë, mua më thoshte se do të ndryshonte”, theksoi ajo.
Për këtë ngjarje, janë arrestuar dy djem, për të cilët dyshohet se janë autorët e krimit të së shtunës në parkun “Salt Hill”.
