Të afërm të Marjana Çmetës, nuses që akuzohet se vrau vjehrrën në prill të vitit të kaluar, mohojnë që ajo të ketë lidhje me ngjarjen. Xhaxhai i Marjanës ka folur për News 24, teksa tha se e ndjera ka tentuar të vrasë veten disa vite më parë, ndërsa shtoi se asaj ia bënë dashnorë të gjtihë të afërmit e burrit:
“S’ka pasur asnjë konflikt me vjehrrën. E kam pyetur. Ata nuk e donin, të gjithë fisin, pra njerëzit e burrit ia bënë dashnorë. Ajo ka qenë 8 muajshe shtatzënë. Mjeku i ka thënë të mos lëvizë. Si ka mundësi t’i bëjë këto veprime ajo në këto kushte? Para shumë vitesh, e ndjera ka tentuar dhe e ka helmuar veten, duke përfunduar në spital.”
Nga ana tjetër, djali i viktimës nuk ka dashur të flasë për mediet teksa ka qenë i tronditur emocionalisht, por ka thënë vetëm se fajtori duhet të përgjigjet para ligjit.
Nga ana tjetër, mësohet se hoxha Shehu i cili është arrestuar për ‘moskallëzim krimi’ ka humbur vëllanë e tij para pak ditësh, ndërsa të afërm të tij rrëfehen se hoxha ka kryer ritet fetare, por s’ka asnjë lidhje me këtë ngjarje.
