Valton Loka është shqiptari, prind i dy fëmijëve që u vra në Kretë nga një greke.
Gjykata ka caktuar masën e arrestit me burg për vrasësen e shqiptarit Loka, prind i dy fëmijëve 15 dhe 7 vjeç.
Shqiptari kishte dëgjuar ulërima që vinin nga apartamenti i grekes dhe ka shkuar me vrap, duke e munduar ta qetësojë atë. 26-vjeçari ka qenë nën efektin e drogës dhe ka marrë thikën, duke e vrarë shqiptarin.
Ndërkohë, sot grekja ka thënë para trupit gjykues se ishte penduar dhe se nuk donte që ta vriste atë:
“Më falni, nuk doja ta bëja, nuk jam vrasëse”.
Familja e shqiptarit jeton prej kohësh në Ksiropotamo, Irakleo në Kretë dhe përballet me probleme ekonomike. Gruaja e viktimës ndodhet në vështirësi për sjelljen e trupit të Lokës në Shqipëri, ku do të kryhet edhe ceremonia mortore.
Mediet greke kanë publikuar foton e autores së krimit, e cila mësohet se ishte e skeduar për vjedhje por ishte jashtë hekurave për shkak të gjendjes shëndetësore.
26-vjeçarja jetonte në një shtëpi që nëna e saj e kishte marrë me qira, ndërsa ka edhe një vëlla në burg në Koridhali.
Ndonëse fqinjët njoftuan menjëherë ambulancën për ta transportuar me urgjencë drejt spitalit, plagët e marra rezultuan fatale për shqiptarin.
