Almir Haruni, 42 vjeç, nga Gramshi, është ekstraduar nga Interpol Tirana.
Haruni u ekstradua nga Italia drejt Shqipërisë, pasi kishte kryer një vrasje në 1997.
Mësohet se ky shtetas ka vrarë shtetasin G.B., më 06.08.1997, në Gramsh, pas një sherri për motive të dobëta.
Gjykata e Rrethit Gramsh me vendim nr.38, datë 09.07.2001, e ka dënuar me 18 vjet burgim, për veprën penale, “Vrasje” dhe “Armëmbajtje pa leje”.
I ekstraduari në PKK Rinas iu dorëzua autoriteteve të Drejtorisë së Përgjithshme të Burgjeve.
