Interpol Tirana ka ekstraduar nga Italia një 45-vjeçar nga Mirdita, me iniciale A.D.
Ky i fundit ishte i dënuar me 22 vite burg, pasi kishte kryer një vrasje në 1997-ën.
45-vjeçari akuzohet për veprat penale “Vrasje me paramendim, të kryer në bashkëpunim” dhe “Armëmbajtje pa leje”.
Vrasja ka ndodhur në datën 17.08.1997, rreth orës 16.00 në fshatin Shtrezë të rrethit Mirditë, ku shtetasi A.D. në bashkëpunim me një shtetas tjetër, kanë vrarë me armë zjarri shtetasin P.D.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, (me pasaportë të falsifikuar) duke u finalizuar me ekstradimin e tij drejt vendit tonë.
