Shtetasi me iniciale S.K, shqiptar nga Kosova, është ekstraduar nga Britania e Madhe me kërkesë të policisë së Prizrenit. Ai akuzohet se ka vrarë motrën e tij në mes të qytetit të Prizrenit në vitin 2013.
Sipas Prokurorisë Themelore të Prizrenit, organet e hetuesisë po kërkojnë edhe një të dyshuar tjetër lidhur me rastin e vrasjes së rëndë në Prizren, e ndodhur 4 vite më parë.
Ngjarja ka ndodhur më 4 qershor të vitit 2013, në rrugën “Qazim Berisha”, afër rrethit të Bazhdarhanes, ku i dyshuari pasi kishte kryer vrasjen kishte ikur në drejtim të paditur. Mbeten të paqarta motivet e vrasjes së motrës së tij.
