Prej më shumë se dy vitesh në arrati, më në fund 30-vjeçari shqiptar i kërkuar për vrasje është kapur në Holandë. Ai është Bojken Zeqo, i akuzuar për një ngjarje të rëndë të ndodhur më 12 Janar 2015 në Itali.
Shqiptari është ndalur në Roterdam, gjatë një aksioni të zhvilluar nga policia holandeze në bashkëpunim me kolegët e tyre italianë që e kishin shpallur në kërkim.
Në vitin 2015, Bojken Zeqo së bashku me 6 persona të tjerë rrahën për vdekje një 24-vjeçar maroken të quajtur Said Wahdoud.
Policia italiane tha në atë kohë se marokeni u dhunua për vdekje pasi kishte bezdisur disa prostituta që menaxhoheshin nga Bojken Zeqo dhe bashkëpunëtorët e tij. Pas krimit, ai u arratis dhe ka qenë në kërkim për dy vite e gjysmë. Zeqo pritet të ekstradohet në Itali, ku do të përballët me akuzat që rëndojnë ndaj tij.
Një vit më parë, gjykata italiane dënoi me burg edhe 5 bashkëpunëtorë të Bojken Zeqos. Ogert Rakipaj u dënua me 16 vite e dy muaj burg, ndërsa Izmir Krasniqi, Redion Rakipaj, Naim Vargu dhe Bojken Zeqo, u dënuan me 30 vjet burg.
