Shtyhet seanca në Gjykatën e Krimeve të Rënda ndaj Fadil Kasemit, personit që vrau me armë ish-gruan e tij, gjyqtaren Fildez Hafizi. Shkak i shtyrjes janë bërë pretendimet e avokatëve të Kasemit, të cilët kanë kërkuar më shumë kohë për t’u njohur me dosjen e Prokurorisë.
Prokuroria deklaron se “Kasemi është i aftë mendërisht, nuk përfiton gjykim të shkurtuar”.
Kasemi është i akuzuar për armëmbajtje, vrasje për shkak të marrëdhënieve familjare dhe rrezikon burg përjetë. Mësohet se seanca e radhës mbahet më 15 janar.
Gjyqtarja Hafizi u ekzekutua nga ish-bashkëshorti i saj, Fadil Kasemi, më 31 gusht të vitit të kaluar, pranë shtëpisë ku banonte në Tiranë.
Gjyqtarja kishte kërkuar edhe transferim në Tiranë, por KLD e kishte vendosur në Shkodër, rrethin më të largët që ajo kishte kërkuar, pasi ndihej e kërcënuar nga ish-bashkëshorti.
