Gjykata e Durrësit ka caktuar masën “arrest me burg” për Ndue Zefin, vrasësin e fqinjit të tij. Ngjarja e rëndë ka ndodhur në datën 24 shkurt, në zonën e ish-Kënetës.
Ndue Zefi vrau me armë automatike fqinjin e tij, pas një debati mes tyre në një lokal. Më tej ai u vetëdorëzua në Policinë e Shkodrës.
Viktima Martin Ndreca, banonte në atë zonë dhe ishte në lokal me autorin, që e vrau pas një konflikti për motive të dobëta që nisi mes tyre.
Në polici, autori ka pranuar autorësinë e krimit, dhe ka treguar edhe vendndodhjen e armës me të cilën qëlloi fqinjin.
