Gjykata ka caktuar masën e sigurisë “detyrim me paraqitje” për ish të fejuarin e Elvana Gjatës, shtetasin Ervin Mata.
Ai u vetëdorëzua mbrëmjen e së premtes, 1 mars 2019, ndërsa ishte shpallur në kërkim për vrasjen e ndodhur në një lokal në zonën e Bllokut, në Tiranë.
Prokuroria kërkoi “arrest me burg”. Vetë Mata nuk ka qenë i pranishëm në seancën e rivlerësimit të masës së sigurisë.
Mbi 31-vjeçarin rëndon akuza e “vrasjes në rrethana të cilësuara të mbetura në tentativë, të kryer në bashkëpunim”, dhe “mbajtje pa leje të armëve luftarake”. Por burimet thonë se në dëshminë e dhënë në polici, Ervin Mata ka mohuar të ketë qenë ai që ka qëlluar.
