Kryeministri i Kosovës Ramush Haradinaj ka dhënë një intervistë ekskluzive për median kroate HRT, ndërsa kjo është intervista e parë që nga marrja e postit të kryeministrit.
Duke komentuar vizitën e djeshme nga presidenti serb Aleksandar Vuçiç në Kosovës, Haradinaj tha se ai beson se retorika mes Kosovës dhe Serbisë është e moderuar. Ai vuri në dukje se vrasja e politikanit serb Oliver Ivanoviç është ngjarje e tmerrshme, një tragjedi, duke shtuar se shteti i Kosovës është në gatishmëri të plotë për të zbardhur rastin.
“Mund të ketë motive të ndryshme, politike dhe kriminale, por jo etnike”, tha Haradinaj.I pyetur për gjendjen e sigurisë në veri të Kosovës , kryeministri Haradinaj tha se Kosova është në stabilitet.
“Kushtetuta e Kosovës dhe rregulloret e Kosovës zbatohen edhe në veri. Ekzistojnë gjykatat dhe policia”-u shpreh Haradinaj.Ai tha se vrasja e Ivanoviqit është akt terrorist, por shtoi se nuk do të ketë pasoja mbi procesin e bisedimeve mes Prishtinës dhe Beogradit në Bruksel.
“Është një rast i izoluar, një ngjarje tragjike dhe e papranueshme. Kosova ka demonstruar kapacitetin e saj për hetimin dhe sigurinë në përgjithësi. Në të njëjtën kohë, qëndrimi i Kosovës nuk është të vazhdojë me dialogun ekzistues, por të kalojë në fazën e tij përfundimtare, që Republika e Serbisë të njohë pavarësinë e Kosovës. Ne nuk duam të kthehemi prapa. Kosova është nderuar për integrimin euroatlantik, për Evropën dhe NATO-n, dhe në të njëjtën kohë nxit miqësinë me Amerikën që dallon dhe në mënyrë specifike”-theksoi Haradinaj.
