Vrasja e liderit serb në Kosovë, Oliver Ivanoviç, ka vendosur në plan të parë bisedimet gjeostrategjike mes Kosovës dhe Serbisë. Menjëherë pas ekzekutimit mafioz të Ivanoviçit, politika serbe u hodh në sulm, duke dyshuar se mund të jenë shqiptarët skenaristët e vrasjes së liderit serb.
Ndërkohë kur ishte njoftuar se do të vijojnë diskutimet mes Kosovës dhe Serbisë, del në pah problematika e ekzekutimit të Ivanoviçit, ngjarje kjo që çoi në shtyrjen e diskutimeve mes të dyja vendeve.
Në lidhje me këtë ngjarje, Presidenti i Serbisë nesër do të vizitojë shtetin e Kosovës, ndërsa si agjendë do të ketë takimin e serbëve të Kosovës. Dy ditë më parë, ishte ministria e Jashtme të Kosovës që miratoi kërkesën e Vuçiçit për të vizituar serbët që jetojnë në Kosovë.Ajo çfarë bie në sy në këtë vizitë të Vuçiçit, është fakti që gjatë qëndrimit nuk do të këtë asnjë takim me përfaqësi politike të shtetit të Kosovës
Agjenda e Presidenti Vuçiç
Rreth orës 10:30 Aleksandar Vuçiq do të vizitojë manastirin Banjska.Rreth orës 11:30 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.
Rreth orës 17:00 do të ketë takime me qytetarë në Shtëpinë e Kulturës në Llapnasellë.Ministria e Punëve të Jashtme të Kosovës, ka miratuar më 17 janar kërkesën që Vuçiç të vizitojë Kosovën.
