Zëvendës komandanti i Policisë së Kosovës për Veriun, Besim Hoti, tha se ende nuk e dinë se është serb apo kosovar pronari i mjetit i cili u gjet u djegur, pak metra larg nga vendi i ngjarjes ku u ekzekutua lideri serb Oliver Ibanoviç, shkruan Tirana Today.
Zëvendëskomandanti i Policisë së Kosovës për Veriun, Besim Hoti, i tha për media se pronari i fundit i automjetit banonte në Serbi, por që nuk ka informacion mbi kombësinë.
“Nuk dihet ende se i cilës kombësi ishte pronari i fundit i automjetit. Këto janë informata që vetëm hetuesit e policisë i kanë. Ata po hetojnë nën autoritetin e prokurorëve të cilët janë përgjegjës për rastin” – tha Hoti.
Ai tha se hetimi për vrasjen e Ivanoviç po nxitet nga intensiteti i shtuar dhe se policia po bashkëpunon me institucionet ndërkombëtare, raporton kurir.rs.
Zbulimi i krimit
Por, sipas të dhënave makina e përdorur për vrasjen e Oliver Ivanoviç ndryshoi disa pronarë, dhe identifikimi i tyre mund të çojë hedhje dritë mbi krimin.
“Ne e dimë se kjo makinë është shitur disa herë në auto-tregjet dhe identiteti i pronarëve të saj do të duhet të çojë te vrasësi apo vrasësit e mundshëm. Disa gjurmë në vendin e ngjarjes u lënë me dashje nga atentatorët, të cilat kishin për qëllim dërgimin e hetimit në një rrjedhë të gabuar”.
Por sipas të dhënave makina së fundmi rezultonte e regjistruar në emrin e një personi i cili nuk jeton më. TIRANA TODAY
