Kastriot Reçi, i cili u vra sot në Rrëshen, nuk rezulton të jetë pronar i asnjë televizioni apo subjekti tjetër. Këtë gjë e ka konfirmuar Autoriteti i Mediave Audiovizive.
AMA, në një reagim për mediat, teksa shpreh keqardhje për humbjen e jetës “së shtetasit Kastriot Reçi dhe i shpreh ngushëllimet më të sinqerta familjes”, sqaron si më poshtë:
“AMA në përgjigje të interesit publik, sqaron se shtetasi Kastriot Reçi nuk rezulton të jetë pronar i asnjë televizioni apo subjekti tjetër.
Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018”.
