Ka reaguar deputetja e Partisë Demokratike, Albana Vokshi, për lirinë e media ne Shqipëri duke marrë shkas nga raporti i organizata “Reporterët pa kufij”. Në cilësinë e kryetares së Komisionit të Medias, Vokshi tha se media në Shqipërisë është e censuruar.
Ajo gjithashtu ka akuzuar kryeministrin Rama për qëndrim fyes ndaj gazetarëve, deputetja Vokshi tha se është hartuar tashmë një projekt-rezolutë në mbrojtje të tyre, e cila sipas saj, do të garantojnë lirinë e shtypit dhe liri profesionale.
“Partia Demokratike përshëndet qëndrimin e organizatës “Reporterë pa Kufij”, e cila tha të vërtetën për gjendjen e rëndë të medias në Shqipëri; Përqendrimin e saj në duart e afaristëve të lidhur me pushtetin, çensurën e gazetarëve dhe rritjen e armiqësisë ndaj gazetarëve, e nxitur nga Kryeministri Edi Rama. Raporti veçon sjelljen e Kryeministrit me sulmet ndaj gazetarëve duke i quajtur; “injorantë”, “sharlatanë” dhe “armiq të publikut”. Raporti përforcon shqetësimet e ngritura edhe nga DASH ku u denoncuar kapje e medias për interesa të qeverisë.
Edhe në progres-raportin e KE flitet për probleme me lirinë e shtypit. Në cilësinë e kryetares së Komisionit të Medias kemi iniciuar hartimin e një projekt-rezolutë kundër gjuhës fyese të kryeministrit Rama ndaj gazetarëve. Miratimi në Parlament i kësaj rezolutë në mbrojtje të gazetarëve është shumë i rëndësishëm për të inkurajuar lirinë e shtypit dhe një liri profesionale që do të ndihmonte në luftimin e korrupsionit, të ushqyera nga vetë kryeministri përveç marrëveshjeve të fshehura dhe interesave klienteliste”, u shpreh deputetja e PD, Albana Vokshi.
