Këngëtari i njohur italian, Marco Carta ka rënë në prangat e policisë së Milanos, pasi akuzohet për vjedhje.
Carta, i cili ishte në shoqërinë e një gruaje 53-vjeçare, u ndalua mbrëmjen e djeshme nga rojet e sigurisë së Rinascente, magazina të mëdha luksi.
Sipas mediave vendase, ata kishin arritur të vidhnin gjashtë bluza që kapnin vlerën 1200 euro. Këngëtari nuk kishte mundur të hiqte dot elementin plastik të sigurisë, i cili ndodhej i ngjitur në bluzë duke shkaktuar kështu ndezjen e alarmit.
Këngëtari bashkë me 53-vjeçarin janë lënë në ‘arrest shtëpie’, deri në momentin kur të zhvillohet seanca gjyqësore.
Mësohet se kjo vepër penale dënohet me 2 deri në 6 vite burg, si dhe me gjobë nga 920 deri në 1500 euro.
