Ditën e sotme është mbajtur gjyqi ndaj këngëtarit italian, Marco Carta, i cili akuzohej për vjedhjen e 6 bluzave me vlerë 1.200 euro, më 31 maj në Milano.
Ish-fituesi i “Amici”-t dhe i “Sanremo”-s është lënë i lirë nga të gjitha akuzat. Pavarësisht se Prokurori kishte kërkuar dënimin me 8 muaj burg dhe 400 euro gjobë. Mediat italiane shkruajnë se këngëtari nuk ishte i pranishëm në sallën e gjyqit, ku u treguan videot e kamerave të mbikëqyrjes së dyqanit.
“Carta e ka deklaruar gjithmonë pafajësinë e tij”, tha avokati Simone Ciro Giordano, një nga dy avokatët e artistit 34-vjeçar.
Menjëherë pas deklaratave para gazetarëve, avokati e mori në telefon Carta-n dhe tha: “Marco, jeni liruar. Ok?”.
Dhe përgjigja e këngëtarit ishte: “Oh Zot, faleminderit!” Pastaj mbylli telefonin në lot.
