Një 42 vjeçar është arrestuar në flagrancë pasi ka dhunuar gruan e tij në lagjen ”24 Maji”, në qytetin e Vlorës.
Bëhet fjalë për shtetasin Maksim Sadikaj, i cili ka dhunuar fizikisht bashkëshorten shtetasem me inicialet M.S.
Gjithashtu nga hetimi i policisë ka rezultuar se gjatë konfliktit midis bashkëshortëve ka ndërhyrë edhe shtetasi Dashnor Begaj, (i vëllai i shtetases M.S.), duke e goditur kunatin e tij me mjete të ftohta prehëse (sëpatë), i cili është jashtë rrezikut për jetën.
Në momentin kur policia ka shkuar në vendngjarje shtetasi Dashnor Begaj ishte larguar, por prej kontrolleve të ushtruara dhe prej reagimit në kohë të shërbimeve policore ditën e sotme është bërë e mundur kapja dhe ndalimi i tij.
Materialet janë referuar në Prokurori për veprën penale ”Dhuna në familje”, dhe ”Plagosje e rëndë me dashje”, të parashikuara nga nenet 130/a dhe 88 të Kodit Penal.
