Një ngjarje e rëndë është shënuar mbrëmjen e sotme në qytetin e Vlorës, ku një person është qëlluar për vdekje.
Në atentatin me armë zjarri kanë mbetur të plagosur edhe disa persona të tjerë.
Sipas policisë, ngjarja e rëndë ndodhi pranë zonës së Lungomares, dhe dyshohet se kanë qenë dy autorë që qëlluan mbi viktimën.
Sipas dëshmitarëve nga vendi i ngjarjes janë dëgjuar gjashtë të shtëna me armë zjarri.
Burime nga Policia e Vlorës thonë se viktima, i cili mendohet se është rreth 36 vjeç ka qenë duke udhëtuar më biçikletë kur është ndaluar nga dy persona dhe më pas është qëlluar 5-6 herë me armë.
Mësohet se i riu ka bërë rezistencë, duke tentuar të vetëmbrohej me një armë të ftohtë.
Policia ka ngritur pika kontrolli për identifikimin dhe kapjen e autorëve, ndërsa ka nisur punën për zbardhjen e rrethanave të kësaj ngjarje.
