Ergis Mersini është blerja më e re e Vllaznisë, mbrojtësi deri në gjysmë të sezonit ishte pjesë e Flamurtarit. Shkodranët janë duke bërë një merakto intensive për të shëruar plagët e viti që lamë pas dhe për të evituar rënien nga kategoria. Shumë shpejt pritet të ketë edhe një zyrtarizim tjetër po në mbrojtje dhe emrat më të lakuar janë Krasniqi dhe Malota, me këtë të fundit favorit.
Pakk ditë më parë skuadrës së drejtuar nga Ernest Gjoka i është bashkuar edhe Xhevahir Sukaj, i cili mund të jetë edhe goditja më emirë e merkatos së janarit dhe Sedat Berisha.
Ergis Mersini, 29 vjeç, luan si mbrojtës i majtë dhe pas 3 vitesh te Luftëtari, këtë verë iu bashkua Flamurtarit të Shpëtim Duros, aventurë që zgjati vetëm një gjysmë sezoni. Shumë pranë shkodranëve është edhe qëndërmbrojtësi Renato Malota i cili ka rënë parimisht dakord me drejtuesit e klubit kuqeblu dhe pritet vetëm firma që marrëveshja të zyrtarizohet. Në orët e ardhshme ish mbrojtësi i Kukësit dhe Partizanit do të hedhë të zezën mbi të bardhë dhe do të udhëtojë menjëherë drejt Ulqinit për t’u vendosur nën urdhrat e trajnerit Ernest Gjoka.
