Ambasadorja e Bashkimit Evropian, Romana Vlahutin ka theksuar rëndësinë e luftës ndaj korrupsionit si një kriter kyç për integrimin e vendit. Teksa ka pritur grupet e interesit për progres-raportin e Shqipërisë 2018, Vlahutin nënvizoi edhe rëndësinë e bashkëpunimit mes palëve, si dhe kontributin e qytetarëve.
Ndërkohë, Vlahutin është shprehu e pakënaqur me shoqërinë shqiptare, teksa e kritikoi duke thënë se duhet të jetë më e organizuar:
“Shoqëria duhet të jetë më e organizuar dhe më e afërt me interesat e qytetarëve”, tha ndër të tjera Vlahutin, ndërsa siguroi mbështetje nga përfaqësuesit e KE-së për integrimin e Shqipërisë në BE.
FJALA E VLAHUTIN:
Kjo është një punë kolektive, ku e rëndësishme është të bashkëpunohet mes vendeve, që të ketë rezultate të frytshme.
Korrupsioni – një nga objektivat që duhet të luftohen nga qeveria shqiptare, një nga kriteret për integrimin e Shqipërisë.
Po ashtu, kërkohet që të mos mungojë gjuha e bashkëpunimit dhe kontributi i palëve. Qytetarët dhe institucionet të japin kontributet e tyre.
Këto konsultime janë një moment çelës për të ecur përpara në këtë rrugë që ju e keni nisur. Duhet të ketë kontakt të vazhdueshëm me njerëzit. Shoqëria duhet të jetë më e organizuar dhe më e afërt me interesat e qytetarëve.
Përfaqësuesit e KE kanë dhënë dhe do të japin mbështetje të plotë në procesin e integrimit, duhet bashkëpunim politik, por edhe hapa konkrete. /Tirana Today
