Vladimir Putin është i vendosur. Ai do të jetë kandidat për president i Rusisë, por kësaj here do të kandidojë si i pavarur. Kjo qasje e re e Putin synon që të marrë sa më shumë vota dhe mbështetje nga partitë e tjera politike.
Putin ka folur në një konferencë vjetore për mediat, ndërsa theksin e ka vënë në sistemin politik në vend, që sipas tij, duhet të jetë sa më shumë konkurrues dhe i hapur, mënyrë kjo , që të rrisë efektshmërinë e politikës.
Putin e pranon se opozitës i mungon një kandidat i fortë që mund ta sfidojë të parin e Rusisë. Ai theksoi se kundërshtarët po krijojnë zhurmë dhe debate në sektorin mediatik, por nuk kanë se cfarë t’i japin më shumë kombit rus. Në përballjen e zgjedhjeve në mars të 2018, në garë do të jenë personalitete të cilat do të “frikësojnë” Putinin dhe që vijnë nga radhët e mediave. Një ndër kandidatët të cilët pritet të konkurojë Putin është Ksenia Sobchak, e cila ka shumë mbështetje popullore.
Nga ana tjetër lideri i opozitës Alexei Navalny, është ndaluar në formë të prerë që të kandidojë për postin e presidentit të Rusisë. Nga të dhënat e para bazuar edhe tek Exit-pollet, Vladimir Putin do të rikonfirmohet dhe njëherë si lideri i Rusisë në krye të presidencës pas zgjedhjeve të marsit të vitit të ardhshëm.
