Mund të duket si një fantazi e viteve të ardhshme, por ky mjet do të dalë në treg në mbarë qytetet e botës vitin që vjen.
Volocopter, avioni i parë manual, elektrik, krejtësisht ekologjik është prodhimi më i ri i cili ngrihet dhe ulet nga toka në mënyrë vertikale.
Mjeti ishte një nga prezantimet më të arrira në festivalin e Greentech (festival në të cilin prezantohen prodhime të reja ekologjike teknologjike) të mbajtur në Berlin.
“Nuk bëhet fjalë për pas 10 viteve, por në fund të vitit që vjen do të fillojnë shitjet në Dubai, Singapor dhe Gjermani”, shprehet ish-kampioni i Formula 1, Nico Rosberg i cili është njëkohësisht themeluesi i këtij festivali.
Volocopter synon të mbajë 100,000 pasagjerë në orë, në mbarë botën brenda 10 viteve të ardhshme.
“Do të jetë i aksesueshëm për shumë njerëz dhe mendoj se kjo është edhe fuqia e tij. E ardhmja e teknologjisë ekologjike është ajo çfarë pritet të vijë. Dhe nuk është më një kompromis, nuk është se ju do të humbni gjë”, sqaron Nico Rosberg.
