Gara e radhës së Formula 1 do të zhvillohet ditën e nesërme në Brazil, në pistën “Interlagos”, por një ditë para një incident i paprecedent ka ndodhur për skuderinë kampionë, Mercedes.
Gjithçka ka ndodhur jashtë pistës, ku ekipi i Mercedes ndodhej jashtë pistës në minibusin e tyre dhe disa persona të armatosura i kanë ndalur dhe i kanë grabitur. Lajmin e bën të ditur vetë piloti Hamilton, me anë të një postimi në Twitter. Ku është shprehur të shtënat e armëve janë dëgjuar tek minibusi që po udhëtonte ekipi i skuderisë gjermane, ku u janë vjedhur edhe disa sende mjaft të rëndësishme.
“Disa pjesëtar të stafit tim hasën në të shtëna armësh në shtegun e pistës së Brazilit. U gjuajt me armë në drejtim të tyre dhe njërit prej tyre iu vendos arma në kokë. Kjo është shqetësuese për ta dëgjuar”, ka shkruar ndër të tjerash Hamilton në llogarinë personale të Twitterit.
Some of my team were held up at gun point last night leaving the circuit here in Brazil. Gun shots fired, gun held at ones head. This is so upsetting to hear. Please say a prayer for my guys who are here as professionals today even if shaken.
— Lewis Hamilton (@LewisHamilton) November 11, 2017
“Kjo ndodh çdo vit këtu. F1 dhe ekipet duhet të bëjnë më shumë, nuk ka asnjë justifikim!”, shkroi britaniku.
This happens every single year here. F1 and the teams need to do more, there’s no excuse!
— Lewis Hamilton (@LewisHamilton) November 11, 2017
Formula 1 është në Brazil për garën e parafundit të sezonit 2017, ku Hamilton tashmë është kurorëzuar me titullin e kampionit të botës. Theksojmë se Mercedes ka konfirmuar se disa gjëra të vlefshme janë vjedhur në këtë incident, por fatmirësisht i gjithë personeli kanë shpëtuar pa ndonjë dëmtim. Kujtojmë se një incident i ngjashëm ka ndodhur edhe vitin e kaluar që përfshinte personelin e Mercedesit, kur një anëtar i ekipit ishte grabitur me armë nga dy burra para garës në Mexico City.
