Një vjedhje ka ndodhur që në orët e para të mëngjesit, teksa disa persona të paidentifikuar kanë grabitur një bankomat të ‘Credins’, në Kavajë.
Ngjarja ka ndodhur pranë tregut bujqësor në lagjen nr.5, shkruan “Dosja”, ndërsa grabitësit kanë shpërthyer murin e pasmë të godinës në mënyrë që të futeshin brenda.
Sipas informacioneve paraprake, shuma e grabitur është rreth 10 milion lekë. Por nuk është bërë akoma një bilanc për të zbuluar vlerën e saktë të parave që janë grabitur.
