Kryeministri i Maqedonisë viziton Kosovën javën e ardhshme. Kjo do të jetë vizita e parë e një kryeministri maqedonas në Kosovë. Lajmi është konfirmuar nga qeveria e Maqedonisë.
Kryeministri, Zoran Zaev do jetë në Prishtinë, të martën më 12 dhjetor. Ai do të takohet me zyrtarët më të lartë të Kosovës, presidentin Hashim Thaçi, kryeministrin Ramush Haradinaj, dhe kryetarin e kuvendit, Kadri Veseli.
Në delegacionin e qeverisë së Maqedonisë, do të jenë edhe ministri i ekonomisë, Kreshnik Bekteshi, ministri për transport dhe lidhje, Goran Sugareski, ministri i kulturës, Robert Alagjovski, dhe ministri i angazhuar për diasporë, Edmond Ademi.
Maqedonia e ka njohur Kosovën në vitin 2008, kur kryeministër ishte Nikolla Gruevski.
