Ndërsa Bashkimi Evropian nuk pranon të japë një datë se kur mund të hiqen vizat për kosovarët, politikanët vazhdojnë të japin premtime se kjo mund të ndodh brenda këtij viti.
Kryeministri Ramush Haradinaj, në seancën plenare ku po debatohet për Raportin e Progresit tha se heqja e vizave do të konfirmohet para pushimit të verës.
“Për vizat është vendosë, por ajo temë nuk është përfshirë në raport se vetë karakteri ka dedikim të caktum është një arritur e madhe fakti se i është rekomandu hapja e negociata dy fqinjëve tonë. Jam i bindur se ajo që na intereson neve, pra heqja e vizave, ajo do të ndodhë. Mendoj se para pushimit të verës do të na konfirmohet”, theksoi ai.
Kurse zëvendësi i tij, Enver Hoxhaj tha se në një bisedë që e ka pasur me komisionerin Johanes Hahn, ky i fundit i ka thënë atij se ka një vendosmëri të plotë që Kosovës do t’i hiqen shpejt vizat
“Nga komunikimi zyrtar që kam pasur me komisionerin Hahn, mund t’ju them se të gjitha institucionet e BE-së janë unanime në mbështetjen e Kosovës për liberalizimin e vizave”, deklaroi Hoxhaj.
