Deputeti i Kuvendit të Kosovës, Labinot Tahiri ka mbajtur premtimin e dhënë pak ditë më parë. Ashtu sic edhe u kishte premtuar qytetarëve të Kosovës, Tahiri ka dorëzuar pasaportën e tij diplomatike në shenjë solidarizimi me qytetarët e vendit, të cilët nuk mund të lëvizin pa viza.
Tahiri ka mbërritur sot në Ministrinë e Punëve të Brendshme, ku ka dorëzuar pasaportën diplomatike, veprim që e ka shfaqur në Facebook me anë të një videoje.
“Veprimi im si deputet dhe qytetar duke dorëzuar në organet përkatëse Pasaportat e mia me Viza të Amerikës dhe të Gjermanisë! I falënderoj nga zemra ambasadat që më kanë pajisur me viza, por tani unë më nuk do udhëtoj jashtë Kosovës për shkak të dëshpërimit që kam si deputet, ku qytetarët tanë nuk e gëzuan Liberalizimin e Vizave edhe në këtë vit që shkoi!
Evropa duhet të bëj më shumë për qytetarët e Kosovës. Zoti e bekoftë popullin tonë! Me përgjegjësi, Labinot Tahiri Ferizaj Kosovë e Shqipërisë”, ka shkruar Tahiri ne Facebook.
