Robin van Persie vazhdon të dhurojë paraqitje mjaft të bukura në fushën e blertë. Vitet ikin, por nuhatja e tij për të gjetur golin mbetet e njëjtë. Ai ka shënuar një supergol nga goditje dënimi, duke i dhënë fitoren skuadrës së tij, Feynoordit.
35-vjeçari shënoi në fitoren ndaj Vitesses me rezultat 2-1 në minutën e 88-të. Por, pak minuta pas goli ai u ndëshkua me karton të kuq pas një ndërhyrje të ashpër. Në shtatë ndeshjet e para në Eredivisie sulmuesi i njohur holandez ka shënuar gjashtë gola dhe ka dhuruar një asistim.
Pas kësaj fitore Feynoordi i tij renditet në vendin e tretë me 16 pikë, pesë më pak se PSV në pozitën e parë. Vittese vazhdon në vendin e shtatë me nëntë pikë. Van Persie në të kaluarën ka qenë pjesë e Arsenalit, Manchester Unitedit dhe Fenerbahçes.
