Detaje të reja janë zbuluar sa i takon arrestimit të bashkëshortit miliarder të modeles Angela Martini. Dragos Savulescu dhe bashkëshortja e tij, modelja shqiptaro-zviceriane, Angela Martini, po shijonin pushimet në ishullin luksoz grek Mykonos, në një vilë me qira ku paguhet 87.500 euro për një javë. Pa dashur, ajo çoi bashkëshortin biznesmen në burg me anë të fotove të Instagramit, duke tërhequr Interpolin në gjurmët e tij me fotot nga pushimet luksoze që postonte në rrjetet sociale.
Dragos Savulescu është përfshirë në një skandal të pastrimit të parave publike, pasi është dënuar me 5.5 vjet burg. Gjatë gjithë kësaj kohe ai kishte ikur në Itali, duke mbajtur një profil të ulët në mënyrë që të mos gjendej nga autoritetet rumune dhe Interpoli. U desh një vizitë e vetme në Mykonos, për të zbuluar vendndodhjen e tij.
Prania e biznesmenit në ishullin Cikladik u tradhtua nga parterja e tij, e cila në pamundësi për t’i rezistuar bukurive të Mykonos dhe nevojës së saj për të shfaqur në çdo rast jetën luksoze që ajo jeton me biznesmenin e kërkuar me një urdhër ndërkombëtar, filloi të postonte fotot në rrjetet sociale. Në fakt, shumica e tyre ishin përmes vilës shumë të shtrenjtë që kishin marrë me qira në Agios Lazaros, e cila kushton 87.500 euro në javë. Sigurisht, ishte vetëm çështje kohe që autoritetet rumune të njoftoheshin dhe në bashkëpunim me Interpolin dhe autoritetet greke, u organizua një operacion i madh për gjetjen dhe arrestimin e tij.
Dragos Savulescu, në fillim të vitit 2019, u arrestua dhe u dënua me 5.5 vjet burg për përvetësim, së bashku me ish-kryebashkiakun e Kostancës, Radu Mazăre, Cristi Borcea, ish -president i ekipit të futbollit Dinamo dhe të pandehur të tjerë të cilët u shpallën fajtorë për përvetësim të 114 milionë eurove. Dragoș Săvulescu, pas vendimit të autoriteteve gjyqësore, iku në Itali, konkretisht në Napoli, për t’u vendosur përfundimisht në Mykonos. Të parët që e njohën ishin Rojet Bregdetare, të cilët së bashku me zyrtarët e Nën Drejtorisë së Policisë së Mykonos organizuan një operacion të madh për arrestimin e tij.
Si u arrestua
Dragos Savulescu po argëtohej në një restorant të mirënjohur në zonën e Millit. Urdhri i arrestit për Dragoș Savulescu u lëshua pas një urdhri evropian nga autoritetet rumune për pjesëmarrje në një organizatë kriminale dhe për mashtrim kundër shtetit. Ai u dërgua te Prokurori i Apelit i Syros, për ekstradim tek autoritetet rumune.
Burimi i lajmit: protothema. Përshtatur nga: Tirana Today
