The Washington Post
Ministria e shëndetësisë në Vietnam njoftoi të shtunën se kishte zbuluar një variant të ri shumë të transmetueshëm të koronavirusit që ka ndihmuar në nxitjen e një vale të fundit të infeksioneve covid-19 në vend.
Renditja gjenetike tregoi se varianti i ri ishte një përzierje e bazave të koronavirusit të zbuluar së pari në Mbretërinë e Bashkuar dhe Indi, tha Ministri i Shëndetësisë Nguyen Thanh Long, sipas gazetës VnExpress.
Ministri tha se varianti i ri është veçanërisht ngjitës nëpërmjet ajrit dhe se kulturat virale kanë zbuluar se ajo përhapet shumë shpejt.
“Varianti i ri është shumë i rrezikshëm,” tha Long në një deklaratë.
Ministria e shëndetësisë nuk i’u përgjigj një kërkese për koment të shtunën pasdite.
Shkencëtarët thanë se duhen më shumë studime për të përcaktuar efektin e një varianti në “mjediset e botës reale”.
“Shumë mutacione të ndryshme ndodhin gjatë transmetimit të virusit dhe shumica e tyre nuk kanë ndonjë rëndësi klinike,” tha Todd Pollack, një ekspert i sëmundjeve infektive me seli në Hanoi në Shkollën Mjekësore të Harvardit. “Vetëm për shkak se thonë se [varianti i ri] ka karakteristikat e të dyve … nuk do të thotë se ata janë mbledhur në një pacient dhe kanë krijuar një ‘supervirus’ të kombinuar hibrid.”
