Piktura “Lentetuin” ose e njohur ndryshe “Kopshti Pranveror”, e cila është krijuar në vitin 1884 nga Van Gogh, është vjedhur në muzeun Singer Laren, në Laren të Holandës.
Muzeu ishte mbyllur për shkak të pandemisë së koronavirusit.
Raportohet se rreth orës 3 të mëngjesit të së hënës grabitësit ende të paidentifikuar kanë thyer derën e xhamit dhe kanë hyrë brenda duke marrë vetëm pikturën e Van Gogh.
Sipas policisë, alarmi kishte funskionuar dhe protokolli i sigurisë gjithashtu, por në kohën kur në vendngjarje kishin mbërritur oficerët e policisë, hajdutët ishin zhdukur.
