Update- Për vjedhjen e Ministrisë së Brendshme ka reaguar edhe Policia e Shtetit, e cila njofton se janë grabitur disa pajisje elektronike të dala jashtë përdorimit, të cilat ishin për t’u asgjësuar.
Në njoftim theksohet se po punohet për identifikimin dhe kapjen e autorëve.
“Në rrugën e “Kavajës”, persona ende të paidentifikuar kanë vjedhur në magazinën e Qendrës së Shërbimeve të Automjeteve të Transportit, në varësi të MB, disa pajisje elektronike të dala jashtë përdorimit, të cilat ishin për tu asgjësuar. Po punohet për identifikimin dhe kapjen e autorëve. Materialet janë referuar Prokurorisë së Rrethit Gjyqësor Tiranë, për veprën penale “Vjedhja” .
13:15- Vidhet Ministria e Brendshme dy herë brenda muajit, Prokuroria nis hetimet
Prokuroria e Tiranës ka nisur hetimet për vjedhjen që dyshohet se ka ndodhur në datë 2 tetor, në parkun e Ministrisë së Brendshme.
Dyshohet se nga parku janë marrë kondicionerë, printer, skanera, tha një burim për gazetaren Anila Hoxha.
I njëjti burim pranë Prokurorisë tregon jo zyrtarisht se kjo është ngjarja e dytë brenda muajit, pasi në fillim të muajit aty janë marrë edhe sende të tjera, si pjesë makinash. /Top Channel
