Kryetari i bashkisë së Kamzës, Xhelal Mziu, ka tronditur opinioni publikun me një deklaratë të dhënë në emisionin sportiv “Fair Play” në News 24. Ai u shpreh se ndeshja mes Teutës dhe Laçit është e fiksuar dhe fituesi do të jetë Teuta. “Teuta do të fitojë kundër Laçit javën e ardhshme. Kjo sfidë do të kuotohet edhe në bastet sportive dhe ftoj të gjithë ata që luajnë baste të luajnë fitoren e Teutës”, deklaroi Xhelal Mziu.
Ai gjithashtu foli me rezerva ndaj takimit që Kamza luajti në fundjavë kundër Laçit. Kjo për arsyen se kishte disa vendime të kontestuara të arbitrit.
