Kryebashkiaku Erion Veliaj, në daljet e tij publike lobon fortë për përdorimin e biçikletës në kryeqytet. Në kronikat e shpërndara nga zyra e tij e PR, ai shihet shpesh teksa nget mjetin me dy rrota. Mirëpo, një detaj e ka nxjerrë zbuluar ditën e djeshme. Zëdhënësja e Partisë Demokratike, Ina Zhupa ka publikuar një video të Veliajt, i cili lë biçikletën në shkallët para Pallatit të Kongreseve, ndërsa pas tij shihet një qytetar i cili e merr menjëherë dhe e largon që aty.
“Këshillë për ata që lëvizin me biçikleta. Mos parkoni si aktori në videon më poshtë, se shkelni rregullat dhe se rrezikoni t’ja u vjedhin!! Aktorit mos ja qajmë hallin, se ka trupën që ja ruan dhe ja heq biçikletën, teksa e pret makina dhe shoferi pak më poshtë. #fakemayor”, shkruan Zhupa, bashkangjitur videon e kryebashkiakut.
