Dhunimi i biznesmenëve në Shqipëri për fat të keq është kthyer në një praktikë të mirëfilltë. Rasti i sotëm në Vlorë, ku mbeti i plagosur biznesmeni, Altin Kaçaj duket së është orkestruar nga një prokuror.
Lajmi është bëri i ditur nga vetë personi i plagosur, teksa ka folur për mediat i shtrirë në spitalin e Vlorës. Altin Kaçaj, i cili mbeti i plagosur në kokë pas një sulmi me levë, ka akuzuar publikisht se pas ngjarjes fshihet një prokuror në Vlorë.
Në një prononcim për ‘News24’, nga shtrati i spitalit, 42-vjeçari pohoi se para një muaj kishte denoncuar prokurorin Aurel Zarka, pasi pretendon se ky i fundit e ka arrestuar padrejtësisht. Deri më tani nuk dihet ende identiteti i dy personave që sulmuan Kaçajn, pronari i një zyre sigurimesh në Vlorë, ndërsa thuhet se ata kanë qenë të maskuar.
Intervista
Si ndodhi ngjarja?
Më kanë goditur nga mbrapa. Dihet pse, pasi kam denoncuar publikisht para një muaj një prokuror, që s’mund ti quash të tillë, por janë gangsterë. Ky është mesazh i qartë, pasi nuk ka asnjë muaj nga denoncimi publik. Kjo është shumë e qartë.
Personat ishin të maskuar? Arritët t’i identifikonit?
Jo nuk pash njeri. Shumë e thjesht për t’i identifikuar, pasi rruga është me kamera. Tek dera e porti, ku kam agjencinë është me kamera. Këta janë prokuroria që të fusin në burg, të nxjerrin, të marrin peng, të bëjnë ça të duan.
Mund ta dimë emrin e prokurorit që keni denoncuar?
Është Aurel Zarka. Ai më ka futur në burg padrejtësisht, që është për t’u parë. Më ka marrë makinën padrejtësisht.
Ngjarja
Pronari i një zyre sigurimesh u dhunua në mënyrë barbare mesditën e sotme në qytetin e Vlorës. Altin Kaçaj, 42 vjeç ka qenë duke hyrë në zyrën e tij në afërsi të portit kur i bene prite dy persona te paidentifikuar. Agresoret e kanë goditur disa herë me leva 42-vjeçarin dhe me pas janë larguar pa lënë gjurmë. Menjëherë është lajmëruar policia e cila ka shoqëruar disa persona të dyshuar.
Kaçaj nuk është një personazh i panjohur për shkak të marrëdhënies së tij me një vajzë 24 vjeçare, e cila përfundoi në dyert e Prokurorisë. Kaçaj akuzoi publikisht të dashurën në emisionin me ‘Zemër të Hapur’ se i kishte vjedhur një shumë parash e për këtë akuzoi edhe nje oficer të policisë gjyqësore pasi sipas tij nuk kanë pranuar provat që ai vuri në dispozicion të tyre. Policia ka nisur hetimet për të zbuluar autoret dhe motivet e dhunës barbare ndaj 42- vjeçarit.
