Këngëtarja shumë e dashur për publikun dhe ndër më të komentuarat në media, Greta Koçi ishte e ftuar këtë të diel “n’Kosovë show”, një nga emisionet më të ndjekur në Kosovë. Gjatë intervistës Gretës i ndodhi një e papritur kur moderatori futi në emision një djalë që kërkonte të komunikonte me Gretën.
Djali me emrin Fitim tha se e njihte Gretën ndërsa këngëtarja reagoi menjëherë duke u shprehur se është hera e parë që e sheh. “Në fillimet e karrierës Gretën e kam pasur fiksim, ndërkohë filloi pëlqimi i dashurisë. Fillova ta ndjek nëpër koncerte, kur ka ardhur në Hanover jemi takuar në prapaskenë, kemi folur”, tha Fitimi.
“Fitim nuk ju kam parë ndonjëherë, nuk ju kujtoj”, reagoi Greta. “Kemi diskutuar edhe nëpërmjet internetit”, vazhdoi Fitimi duke u shprehur se i ka të ruajtura në celular mesazhet me Gretën.
“Gjatë komunikimit me internet, tu e shty, tu e shty këtë punë…”, vazhdoi Fitimi ndërsa Greta e ndërpreu: “Çfarë ke shty me mua ti? Se të dalësh ti tani publikisht e të thuash ke folur me mua, s’ka shans të flasi njeri me mua”.
“Më ka mbajt me shpresa”, tha Fitimi. “Unë se njoh fare këtë, paska fol ky me mua. Jeni n’terezi apo jo?”, u shpreh Greta e nxehur. “S’je kalama, je goxha djalë që të mashtrosh kështu”, i tha këngëtarja.
“Ti mund të kesh ardhur në prapaskenë, ke bërë një foto, më ke dhënë dorën, kjo nuk do të thotë që unë të kam dhënë më shumë konfidenca seç duhet”, u shpreh Greta.
Fitimi nxorri kutinë me unazë dhe iu ul në gjunjë këngëtares duke e lënë atë të habitur. “Seriozisht e ke?”, e pyeti Greta. “Kam marrë dhe lejen e babait të Gretës”, tha Fitimi. “Paske leje nga baba im dhe jo nga e zonja punës. Ti s’do martohesh me babën tim”, i tha Greta ndërsa Fitimi nisi të qante duke u shprehur se ndihet i ofenduar.
“Ti nuk më ke takuar ndonjëherë, e fantazon në tru. Unë nuk të njoh fare. Po martohu me ndonjë tjetër, me mua e gjete të fiksohesh. Nëse je fans të vlerësoj shumë, por jo me kaluar në gjëra të tilla se edhe ti vetë lëndohesh. Nuk ke fol me mua more ti djalë. Nuk ke fol me mua. Po të flas si njeri se jemi edhe para kamerave”, i tha Greta Fitimit ndërsa moderatori ndërhyri duke i thënë se kjo pjesë nuk po regjistrohet. Sapo e mori vesh, Greta u çua dhe i tha Fitimit: Ça do ti v’lla? O ti zotëri kush je ti njëherë? Je mirë nga trutë ti? Është ndonjë lojë kjo? Se këto janë të turpshme. Të thuash këtu kam folur me të, ku ka shanse njeri të flasi me mua. Pse ça u bo këtu, u lirua?”, tha Greta e nxehur nga kjo situatë që u krijua. Moderatori e ndërpreu të gjithë skenën dhe tha se Fitimi është aktor. Ndiqni videon./Xing.al
