Manuel Akanji, mbrojtësi zviceran i Borussia Dortmund, ka zbuluar se ka një talent mjaft të veçantë. I ftuar në televizionin zviceran “SRF”, ai ka rrëfyer se mund të bëjë shumëzimin e numrave në kohë rekord. Për këtë ai është vënë në provë nga publiku.
Në herën e parë, ai u pyet se sa bënin 24×75, dhe përgjigja ishte 1800, me prezantuesin që akoma nuk kishte filluar të shkruante në makinën llogaritëse. “Shumëfishat e 5 janë të thjeshta” – u përgjigj Akanxhi. Ndërkohë, për të vërtetuar se nuk kemi të bëjmë me një rastësi, ai u pyet edhe se sa bëjnë 33×75, dhe përgjigja e saktë në pak sekonda ishte 3201.
