Lazio mori një fitore mjaft të rëndësishme të enjte në mbrëmje përballë Marseille në Francë, ku protagonist ishte dhe Thomas Strakosha. Pas gafave ndaj Protos në ndeshjet e mëparshme, italianët i besuan përsëri portierit shqiptar dhe ai ia shpërbleu me një paraqite të mirë që ndihmoi skuadrën e tij të marrë vendin e dytë në grup dhe të hedhë një hap të rëndësishëm drejt kualifikimit.
Strakosha ishte thuajse i pakalueshëm gjatë gjithë ndeshjes, por u ndëshkua vetëm në minutat e fundit të saj, pas një magjie të Payet me goditje dënimi, specialiteti i mesfushorit francez. Ai gol çoi rezultatin përkohësisht në 2-1, por Lazio më pas shënoi edhe të tretin dhe mori fitoren që i nevojitej.
